کنگ خان کا ’کافی ود کرن شو‘ کا حصہ بننے سے انکار

ممبئی: بالی ووڈ کنگ شاہ رخ خان نے بالی ووڈ کے مایہ نازپروڈیوسرکرن جوہر کے مشہور پروگرام ’کافی ود کرن‘ کا حصہ بننے سے انکارکردیا۔

بھارتی میڈیا رپورٹس کے مطابق بالی ووڈ کے کنگ شاہ رخ جوپروڈیوسرکرن جوہرکے مشہورومعروف پروگرام ’کافی ود کرن‘ کے ہرسیزن کا حصہ بنتے تھے اور پھر اپنی کسی نہ کسی بات اورانکشاف سے خبروں کی زینت بھی بنے رہتے تھے، اس بار انہوں نے شو کا حصہ بننے سے انکار کردیا ہے۔

میڈیا رپورٹس کے مطابق شاہ رخ کا شو کا حصہ نہ بننے کی دو وجوہات ہیں۔ اداکارلگاتارفلاپ فلمیں دینے کے بعد اب نہیں چاہتے ہیں کہ وہ شو کا حصہ بنیں اورکسی بھی تنازعہ کا شکار ہوجائیں، وہ چاہتے ہیں وہ بس اب اپنے کرئیرپرتوجہ دیں اور آنے والی فلموں کو کامیاب بنانے کی کوشش کریں۔

دوسری جانب شاہ رخ خان اس لیے بھی کافی ود کرن کا حصہ بننا نہیں چاہتے کیونکہ ان کے اورشو کے میزبان کرن جوہر کے درمیان کچھ باتوں پررسہ کشی چل رہی ہے اورمیڈیا رپورٹس کے مطابق وہ دونوں ہی نہیں چاہتے کہ معاملہ حل ہو۔

اپنا تبصرہ بھیجیں